今日 11:04
噚日揀咗隻恒指熊(56989)出嚟，但出倉條件係要指數保持低於小時圖10線，所以嗰一注係要等11點小時圖Update咁之後，如果見到指數都仲處於10線以下，咁先至出動。惜11點時有見指數已經企於線上，雖然點數上無乜好大變化，但擺位唔同咗就係唔同咗，所以(56989)呢一注都係無出到。
至於隻過夜嘅(68723)，由於喺噚日嘅下半場開市之後，恒指撲上20天線位置，嚴守策略之下(68723)都要先行轍退；但就正正全日只係向上撲上去嘅呢一下之後指數喺下半場重新低走，唉~ 嘥咗注貨，仲要平均比返6.x%出去，算啦，當買支旗啦，睇下今日可唔可以再入返。
今朝指數繼續低開，恒指擺位直奔恒指牛證嘅第一層aka重貨區，有預咗一開市之後呢一層都會即時全清，唯同時見五分鐘圖Slow STC(14.3)於超買位向似剛出觸頂回落咁款，偷格仔注嘅就係偷借呢啲技術走勢位嚟加強注貨嘅準繩度啦。
剛好指數開市後向下衝入去251後，喺日線圖嘅100線附近亦都見停，過夜淡倉注都先以呢個位收一收割先。
至於即日市嚟玩嘅話，坦白講都仍然傾向淡倉為主，皆因見小時圖150線(約25259)出到阻力頂住指數，不過要考慮嘅係日線圖約25176點呢個位，所以作戰室都仲係用五分鐘圖玩緊Swing Trade。
依家已經10點38分，指數於小時圖暫時有見「十字星」，Slow STC(14.3)兩線係有見觸底上行中嘅。咁啦，如果11點後有見指數於小時圖上企得返上150線嘅話，恒指牛(62650)，收回價24800點，同現價有約383點距離，槓桿有約53.6倍，於同一收回價中遲低街貨、槓桿偏高。
記得出倉件條呀!
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
