今日 10:47
噚日喺呢度都係無揀度貨，而喺作戰室噚日都只係爬格仔，上半場都真係爬到無乜心機，皆因指數變幅實在太慢；下半場慢上還好，但可能個心一直諗住出淡倉，所以又無乜出好倉嘅衝動。
「指數都上得到日線圖嘅250天線啦喎?!仲諗住出淡倉?!」係呀，事關前日喺作戰室就係畫住日線圖嘅259中段位嘅頸線出嚟，估唔到噚日甫開市指數向上撲，但經過噚日之後，日線圖上出咗「陀螺」；250天線上出「陀螺」?!Are you serious?!唯一擔心嘅係個街貨圖，因為又再出現技術分析 VS 街貨嘅情況。
今朝恒指先低開21點，正當大家都仲15/16擔心出錯盤之時，甫開市指數如瀑布般向下，依家仲有2分鐘先至10點，低位暫見25622點，日線圖嘅250天線得而復失，過夜注都真係Happy Friday咗先。
10點後有確認指數已經低於小時圖10線，不過又真係未咁快一步落到20線，作戰室目前都係淡倉捉緊五分鐘圖借保歷加下降通道做嘅Swing Trade啫。
嚟到依家10點23分，見指數於五分鐘圖都係喺257至258之間玩Swing，呢個節奏喺呢度唔係幾啱，所以換個場地去睇吓個股有無嘢撈到。
印象中早排啲傳統股升到我阿媽都話賺到成個月買餸錢，今日睇返嗰堆股份見開始低走，嘿，捉轉角隻魔鬼又出現啦。
比較之下，建行(00939)捉轉角嘅機會好似高啲，除咗日線圖上好明顯見到Slow STC(14.3)觸頂向下之下，依家10點26分亦都有見小時圖確認低走20線，知道整條保歷加通道仍然向上，同時通道口收窄，即底線向上有制限住再下行嘅空間，但如果只係借一借條中軸嚟做Day Trade，搭隻建行熊(60714)，收回價10.2元，同現價有約1.06元嘅距離，已經係市場上最遠嘅一隻熊，槓桿有約8.1倍，目標就係自己數格仔唔過夜為主，Set上方小時圖20線做量度都得嘅，最多比到10線好啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
8月起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
