今日 10:51
先唔講個市，如果大家碌到呢一篇文嘅話，請你停一停，比一分鐘時間出嚟，為熊本地震祈個禱、為因地震而失去生命嘅人默哀。(人哋只係諗住去商場買嘢同返工，無諗過連命都無㗎!)
噚日喺作戰室又度位出貨過夜，都真係度咗成10分鐘先決定出隻好倉過夜，唔求啲乜，只係想有個裂口食吓咁啫。先係今朝開升17x點之後，甫開市指數井噴式上行到25700樓上，過夜注全清定放風箏真係隨得佢哋。
至於噚日嘅恒指Call(13632)，下方借日線圖嘅10/100線做量度線，所以喺噚日嘅上半場大約10點50分，有見指數向下穿過100線，未到10線嘅，但都可以掟隻Call出去試住個水溫先嘅。
出得Call再疊埋日線圖嚟睇，都知呢隻貨係可以過夜啦，咁BTW噚日係文末都有講過「睇吓過兩日期結日會唔會衝多一轉」，同時亦都有Mark住以日線圖嘅150天線為目標。
依家10點34分，不論係食裂口還是150天線目標，均已達到，恒指Call(13632)亦都可以收割。
最後，睇返前日揀出嚟嘅蘋果Call(11132)，繼續都係用嚟捉佢星期四(30日)出業績嘅，而噚晚見蘋果股價都繼續保持向上，今朝見過(11132)嘅輪價有0.74元，對比前日嘅平均買入價已經有7.5格或11.x%正數落袋，績前先食還是堅守放榜成績就隨得你啦，反正我嘅目的都只係收正數啫。
做Trade其實好簡單；但要保持初心地Keep住咁簡單先至係最難。
今日收割日，就咁啦!
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
8月起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
