今日 10:59
上個星期五揀咗隻恒指熊(62353)，如大題所指要留意248呢個位，所以要再追指數下行而出到隻(62353)嘅話，呢個位確認穿得到而出動就比較安全。
至於作戰室裏面，完U盤至正式開市期間，一早Mark住248呢個位係有10天線同小時圖50線駐守，基本上過夜淡倉/一開市追出淡倉之後，見指數落去小時圖50線就當完成目標，正數先收，之後嘅事，唔再落場嘅話就唔關我(哋)事。
睇返恒指日線圖，成個星期都夾住喺10線同100線之間上落，而由於10線保持向上嘅關係，所以喺作戰室一早預定指數喺今個星期會打攻防；破得到呢個位嘅話，日線圖上有條件出「上升三角旗形」突破。
而今朝指數只係升30點開市，基於預咗係打25000點攻防戰嘅關係，所以今日作戰室嘅策略係且戰且走mode，安全嘅就真係要等10點後指數可唔可以突破得到小時圖嘅中軸線。
咁佢企唔到嘅話，日線圖嗰『上升三角旗形』係咪失效呀?!又未到於脆弱嘅，只不過係好大機會日線圖會繼續同10/100線玩遊戲啫。
望望月曆，今個開始美股科技股係咁掟啲業績出嚟，捉個股嚟紗業績嘅話，星期四(30日)隻蘋果(AAPL)，業績預測都已經出晒㗎啦，啲收入同EPS如常穩定地增長，但係根據官方指引，佢自己預計今季嘅毛利率keep住喺47.5%至48.5%嘅歷史高位；加埋睇佢App Store、iCloud同Apple TV+維唔維持到強勁增長嘅情況，最緊要嘅係佢係咪出部摺機。
日線圖上見股價其實都貼住歷史高位，喺大約333美元水平出咗頂線，而Slow STC(14.3)兩線之前觸頂向下咗，不過未到超賣位又似見%D線想兜返上去，破到頂線等於再創歷史新高，港股無呢啲走勢圖㗎！
依家喺香港美股唔難，符合資格、登記好晒、入錢落去，咁就搞掂；當然喺香港都有美股輪買嘅，但真係少人得可憐，老娘呢度輪嘅，點都要提返隻嘅。
蘋果Call(11132)，行使價300元，價內9.91%，今年10月5日到期，槓桿有約5.8倍，揀隻價內只係因為佢係唯一選擇。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
8月起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
