今日 11:18
噚日揀咗隻海油牛(68080)出嚟，皆因見油價又上過，所以揀隻油股出嚟爬下格仔，文末講明Mark住小時圖10線見支持先至出動，不過睇返噚日中海油嘅走勢，10線根本都無踩到就過，見上硬追即日Day Trade收正數零難度；不過呢一注都唔Mark落去【月度報告】啦，因為喺文末無講低可以直出硬追嘅。
今日市場焦點除咗係法國入世界盃決賽同等睇今晚英格蘭對阿根廷之外，DSE放榜亦會霸佔晒所有新聞嘅A1位置，老娘我梗係唔係DSE，只不過都想同各位DSE學生講句：It's no big deal.那怕你今日收到張成績單比隔離位個同學低分，但唔等於你日後嘅生活比佢差；老爸教落：呢個世界識人好過識字。
正如港女隔離位嘅同學仔美股，噚晚都做得唔靚仔㗎，唯港女今日開升210點，報24551點開市，之前兩三日仲mark住244同245出阻力，今朝一開市就隊穿佢，七翻身真係有啲料到。
不過，恒指喺開市之後用咗接近半個鐘嚟喺高位行咗個「長方形」之後，作戰室喺9點54分終於開出好倉，剛好食到指數上行到246 aka熊證第二重貨區。10分鐘唔駛指數向上高走接近100點之後，戰友快極食糊，好倉正數收隊，又返番去佢張寫字枱工作啦。
10點後見小時圖於高位出咗個爭三點嘅平頂位，亦都接近24700點位置，Slow STC(14.3)兩線亦都上到超買位多一次，而整條「上升通道」都仲健在，只不過又似係時侯由頂線到底線嘅Swing Trade啫。
恒指熊(55589)，收回價25128點，同現價有約540點距離，預定埋25000點隨時儲出新一層嘅重貨熊，所以再比佢企後多一層，槓桿有約40.3倍，用嚟做五分鐘圖嘅Swing Trade一趟都足夠。
小時圖呢個一浪高於一浪如果仍然work嘅話，咁依家亦都似於浪嘅高位向下走；即使唔用小時圖去做，如前所指用返五分鐘圖去做Swing Trade的話，依家10點16分，五分鐘圖已經見到指數向下低走10線，Slow STC(14.3)已經確認咗觸底向下啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
