今日 10:18
上星期五揀咗恒指Call(25916)，主要係借日線圖指數爬返上之前嘅線位(約2438-2440)而出動，但都講明即係上破都只係追多少少，因為以日線圖嘅Slow STC(14.3)見，其實已經接近兩線企到上超買位。
本以為呢一注可以借得到日線圖頂線變返支持線嚟hold耐啲，但去到下半場有見指數向下落，穿返日線條頂線，(25916)失去日線支持下亦都要先走。由於出/入位都係靠住嗰條線，所以呢一注還好只係輸咗手續費啫。
最好笑嘅係，作戰室喺上半場只hold一注好倉，及至下半場反手Hold一注淡倉，易玩到唔駛用腦咁真係多得恒指全日行咗個大圓頂出嚟，我都真係喺3點半打後畫返定朝早條24100點嘅底線出嚟，還好最後都無踩返落去開市位，而且最後喺最後三粒燭出咗個「早晨之星」嘅組合+Slow STC(14.3)觸底上。
今朝恒指開市微跌17點之後即轉向上走，唯開市後10分鐘，指數兩度上到高位24396點後見平頂+上影線出現，依家9點42分見指數重新向下回落到24298點，如同之前一樣，指數喺開市初段嘅幅度就係咁大，郁啲都一百幾十點，就真係得呢啲時間先至可以用牛熊拉個高槓桿出嚟快手爬格仔，爬完就埋返你張寫字檯開工。
10點未到指數終於都企得到244樓上，係未到第一層熊245，但作戰室都要準備收網，除咗係因為10點後要埋返位做嘢之外，更重要嘅係周線圖見指數早兩個禮拜低位出完「身懷六甲」之後，上個星期升完，今日截至依家9點53分嘅高位計，同上面條10周線(24498點)相差大約60點，244未見企得穩，咁更係先收啦！
仲有2分鐘先至10點，先睇咗個小時圖，見保歷加口收窄中，而頂線個位喺24510點指數，同10周線好近喎，換言之245呢個位要多加留意一下。
恒指牛(57405)，收回價24000點，同現價有約420點距離，槓桿有約45.2倍，如果阿市要再殺街貨嘅話，咁上行殺熊證係最近，亦者順得到方向上，只不過係上到見24500附近時要小心啲咁解，所以如果今日見得到嘅話，呢隻(57405)槓桿夠高，Day Trade爬格仔應該都OK！
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
