今日 11:03
上個星期四揀咗隻恒指牛(67415)出嚟，但講明不是Day Trade用，係等指數落到日線圖嘅「下降通道」底線/日線圖保歷加底線先支持先至出動。博嘅係指數仍於日線圖嘅「下降通道」中出到Swing Trade觸底上嘅運行。但可惜噚日指數往重貨牛方向走，雖然都有預咗，所以先至會喺作戰室出淡倉等食，但就仲未捉得到觸底上嘅條件，怕且個勢都係未捉得底住。
放咗三日假...坦白講除咗有一晚同兩個舊老細&兩個舊同事食咗餐飯，散席後同其中一個舊老細一齊搭咗一段路嘅車，期間佢比咗個建議我，佢話其實佢身邊有好多人，唔好話投資，連理財都未試過，不如你就呢方面入手。當然之前我已經有類似嘅方向出咗嚟啦，如果唔係都唔會寫咗本新嘅《小資理財聖經》；但連試都未試過嘅...會唔會連本《小資理財聖經》對佢哋嚟講都深得滯呢?!不如我喺度做個實驗，如果你有興趣請你去〈輪證贏家〉嘅FB inbox我，以我個inbox頭20位msg我留言「我未試過理財」呢六隻大字嘅，我私人送一本《風暴中的小資理財聖經》電子書比你，睇完之後，有來有往，你話返比我知你明幾多成，或者你覺得仲有咩係唔明嘅/你期望但無嘅，就得㗎啦！(感謝)
其實依家已經10點17分，作戰室淡倉已經掟咗出去同收埋正數，開始有見指數爬上五分鐘圖嘅10線，好倉亦已經小注出動，捉五分鐘圖出嘅Swing Trade，但都係搞唔掂，連20線都掂唔到，都係keep返住彈高熊嘅心態好啲。
恒指Put(26469)，行使價23383點，同現價大約有0.64%價外距離，絕對係輕微價外，留意到期日為今年8月28日，所以槓桿有約13.02倍，但低街貨亦都係佢優點。
揀Put唔揀熊係因為最近嘅熊都有成900幾點距離，得2x倍，證價同輕微價外嘅輪證都相差無幾。但如果指數一直向下，同步啲好友keep住博反彈而一直儲住重貨牛喺度嘅話，咁大量補給之下指數keep住往下打，大戶keep住日日收幾千張期指街貨返嚟，容乜易做做吓淡足一個星期㗎?!又或呢一兩日指數再落，點數最終低於行使價23383點嘅話，咁隻(24649)由價外變價內，發揮到佢最後嘅爆發力(時間值+內含價值)，其實一樣都可以好禾味。
不過，唔係依家開，依家10點40分指數行緊Swing Trade嘅觸底上行，如果用日線圖去Trade嘅話，最低限度都等指數上到小時圖10線見阻力時先出；如果用嚟做五分鐘圖嘅Swing Trade都得嘅，如常的見五分鐘圖Slow STC(14.3)於超買位出觸頂向下咪得囉。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
