今日 10:51
上個星期五無揀到貨出嚟，皆因出文時都仲見到指數於五分鐘圖上出「長方形」；出文之後先至有方向，所以作戰室全日淡倉出動追落。25000點攻防戰喺下半場最後大約個半鐘頭出現，但淡倉喺嗰時已經清晒，提早Happy Friday!
但個Weekend就一啲都唔Happy，上星期五美國股熊咁款，去到星期日見黑期都唔開胃，今朝港股未開市，韓股率先觸發熔斷機制，最後港股今日開出嚟口價同噚日行嘅雷差唔多，低開379點，報24582點。
開市前作戰室見指數都食咗首四層牛證，當中包括重貨牛，睇埋24500至24599點呢一層都有逾700張期指街貨，所以喺開市前Plan定出淡倉追落。還好喺跌市方面港股係唔會令人失望嘅，甫開市向下入到244位置，245全層都順利收埋，喺五分鐘圖低位有見「十字星」物體，都即刻喺作戰室比個星星嘅icon出嚟，提醒大家係一個喺有淡倉在手時要小心嘅陰陽燭形態(即係格數仔格走貨囉)。
睇住指數出完「十字星」後再變大頭嘅「Hammer」(又係要比星星icon嘅)，再爬返上今朝開市位，再24600點見返，換保歷加通道見整條通道向下走，作戰室都默默地做反手，好倉出動。
依家10點19分，睇埋小時圖都有「Hammer」出現，SLow STC(14.3)兩線微微觸底上。
借小時圖「Hammer」出現而去好倉嘅話，恒指牛(66695)，收回價24250點，同現價有約350點距離，槓桿有約60倍，Day Trade用嚟博小時圖喺11點打後個擺位可以再高啲，不過安全起見，借返個五分鐘圖向上逐線逐線向上打穩陣啲。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
