今日 10:18
噚日揀咗隻恒指熊(59970)，純綷諗住借小時圖Slow STC(14.3)往超賣方向走，出文時都怕指數壓得低得滯，有可能會抽一抽遇阻力先至再落，但結果無，仲要直落。(59970)怕且都係直出硬追。
還記得上個星期有隻恒指Put(26468)嘅?!(詳看5月20日刊的《【輪證贏家】恒指Put博債息打開地獄之門》)，當時目標係望住25200至25299點呢層重貨牛證區嘅。依家9點45分，作戰室即市淡倉已經喺開市前Plan定出動，而(26468)亦都達標有凸，收隊是非常Ok的。
10點未到恒指已經穿咗25000點，即係將牛證首三層街貨已經全數收回，當中除咗包括上文點出嘅25200至25299點，仲有今日新嘅重貨牛區25100至25199點，而向下再掃嘅話，24800至24899點呢層有1424張嘅期指街貨最為吸睛。
截至噚日收市為止，都有喺作戰室裏面計過5月暫時全月都係跌44x點，唔通推到個市變「五窮」喺呢兩日發生？
恒指熊(63259)，收回價25387點，同現價有約400點距離，已經係市場上最貼價嘅熊證之一，而槓桿約61.3倍為全場最高，今日新上市所以未見有街貨。
依家起步追嘅話，就要Mark實小時圖嘅保歷加通道口拓闊呀！
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
