今日 10:32
上個星期五揀咗隻恒指牛出嚟，以Patreon出文後如常用10分鐘睇文，再去睇返個走勢圖，見指數企高於五分鐘圖10線，進取mode開出嘅話，咁隻牛見五分鐘圖見Slow STC(14.3)上到超買位之後，當完成一趟Swing Trade走人，都有over 20%正數落袋。
至於上個星期出咗嗰隻恒指Put(26468)，目標(25200至25299點嘅重貨牛)未到嘅，不過上個星期都有提到如果唔過weekend嘅話，清貨都有正數落袋。
但繼續以周線圖10/50線做上方量度線嚟Hold住隻(26468)的話，咁今朝返嚟見指數升完16點開市之後即掉頭向下衝，依家9點41分見指數數度失守25500點，作戰室今朝都係見指數甫開市就比盞紅燈出嚟，淡倉追出，未諗住嗰層重貨牛先嘅，但博指數再往牛證街貨方向走係真嘅。
小時圖上亦都見到支大陰燭出現，由於本身通道唔算太高，所以有似一棍到保歷加底線。而同上個星期四(5月21日)指數落到保歷加底線有啲唔同，今次條Slow STC(14.3)係處於中軸水平%K線向下穿過%D線，同時兩線勢頭往超賣方向走；上個星期四嗰兩條Slow STC(14.3)已經喺超賣位出觸底上。望望月曆今個星期四(28日)就係期結日，要不要喺期結日之前清埋重貨牛？
10點未到指數已經準備返出Swing Trade嘅動作，作戰室今日第一注淡倉喺10點前見五分鐘圖Slow STC(14.3)觸底+保歷加頂線向下時已經清晒。嚟到依家10點6分，反手好倉亦都已經掟出埋。
依家10點19分，作戰室今日第二注好倉反手都已經有100點進賬，再睇多次小時圖有見指數同Slow STC(14.3)嘅方向都反抽返。雖然Slow STC(14.3)兩線未到超賣，但指數有落到接近保歷加底線後縮上出下影線，如果咁樣已經當係指數借保歷加底線到步反抽繼續出Swing Trade的話，咁中軸線企好，恒指牛(56218)，收回價25100點，避開重貨牛證區安全啲，槓桿有約49.2倍都夠安全，純借小時圖中軸企住博醒得到保歷加頂線一轉；甚至用五分鐘圖做一次觸底向上嘅Swing Trade亦可。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
