今日 10:30
噚日揀咗隻恒指熊，目標都係往牛證嘅重貨區方向打過去，可惜指數落到25505點出平底+Slow STC(14.3)觸底上，更可怪嘅係呢注淡倉比作戰室足足遲咗成半個鐘有多先出到；呢期恒指玩早起鳥兒有蟲吃，真係遲少少連毛都無。
雖然上個星期四(4月14日)指數係升0.6點，而噚日亦都有出比較長嘅下影線，所以喺日線圖上，並不構成「三飛烏鴉」；惟日線圖下面的確無乜平均線喺度，所以開始向前掃位啲裂口位嚟拉線做量度線。噚日搵到一個喺4月8日嘅上裂口，頂線見25668點，好彩佢收市之後都叫做爬得返上去呢條線。
今朝未開U盤之前已經同戰友睇番日線圖、小時圖同牛熊證街貨圖，見小時圖同牛熊證街貨圖有出「技術分析VS街貨」，話就話呢啲情況有八成時間都係街貨贏，之但係呢兩三日阿市都吞咗唔少街貨落肚，今日返嚟都仲見到有過千張期指街貨層嘅牛證都仲有兩層，升市要力嚟講佢都叫做仲有力嘅。
今朝作戰室見指數開升18點都係決定等佢開市之後出咗方向先至追，都真係一心等指數向下殺牛嘅，只不過係等嘅期間指數拉高向上，所以順勢出注好倉追到上25800樓上啫。依家仲有3分鐘10點，但喺搭九、搭十嗰時作戰室好倉已經先收割，先偷80至100點都無難度。
10點後有見五分鐘圖嘅保歷加通道整條向上，作戰室開始變陣玩Swing Trade，問題係用邊兩條線嚟做Swing Tarde啫。
但如果喺呢度嘅話，可以考慮用返個小時圖，借企住小時圖10線+Slow STC(14.3)觸底+保歷加通道整條向下=出好倉捉觸底上行，下方用10線做量度線。
恒指牛(62332)，收回價25408點，同現價有約330點距離，槓桿有約58.68倍，擺明Day Trade，吼指數有靠近返小時圖10線見支持先出OK；「用返五分鐘圖Slow STC(14.3)做Swing Trade得嗎？」梗係Can la。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
