今日 10:59

輪證贏家丨高開低走淡倉再去就要過中軸

噚日揀咗隻恒指牛(54450)，純綷係因為寫文時指數仲係向下落緊，估計出文後指數同Slow STC(14.3)有機會已經觸底上返去，所以即使做Swing都估計似係完成向下一趟，同時準備做向上嘅觸底Swing，於是揀定隻好倉啫。

入貨位有兩個，因為出文後有見五分鐘圖Slow STC(14.3)兩線兩次落到超賣位都有低線接住；而走貨位亦都耐嘅，多得指數給力撲上26400點樓上，先令到呢一趟嘅Swing平均收到26.58%正數。

如果隻(54450)留意今日嘅話，仲爽！不過都有戰友玩期嘅喺噚晚已經率先正數！事實上喺作戰室於星期一都揀咗隻牛證出嚟，疊住個周線圖嚟過幾日夜，今朝出咗開市價之後都已經叫定大家先行獲利。都係嗰句：正數就好。

本來作戰室都真係Plan住出好倉再追，但甫開市指數低見即走，喺先要處理啲過夜貨嘅同時，真心未得閒搞DT注，到依家9點36分終於搞好晒啦，變陣淡倉出動，因為五分鐘圖嘅Slow STC(14.3)都已經向下，咁就齊齊追落啦。
10點未到以為自己遲出淡倉，呢注隨時no meat eat，但hold hold吓見到都差唔多數到有80點正數，keep返平時做DT嘅步伐，即係見好即收。

10點後有見小時圖啲技術指標同開市後睇嘅差唔多，要小時圖條10線追到上嚟指數度嘅話，保守計都真係要等到下半場先至見到。

返去睇番個五分鐘圖，依家10點6分，指數保持向下過埋10線，時間關係亦有戰友先收起今朝hold咗差唔多半個鐘嘅淡倉去做嘢先，至於仲有貨在手/選擇再追多次嘅話，仍然都係以出淡倉為主，恒指熊(69036)，收回價27028點，擺上27000點安全啲，槓桿有約47.5倍都夠做DT。

依家10點24分，五分鐘圖上都有見指數向下再往中軸線方向走，Slow STC(14.3)都落到去超賣以下水平，確認過中軸線先出淡倉嘅話，安全還安全但留意住Slow STC(14.3)兩線走勢啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。