今日 10:34
噚日只係揀咗牛熊各一出嚟，借用五分鐘保歷加頂至底線做Swing Trade。但坦白講噚日指數絕大部份時間都係得30至40點浮動，短線Swing Trade難做；而如果放長少少時間嘅話，食100點大約用1個鐘時間多啲，睇你耐性啦。
明日係五一勞動節假期，除咗港股休市之外，A股都休，仲要一休去到下個星期二(5月5日)，同步北水亦都會暫停，直至下周三(6日)先至開返個水掣。
今朝指數開出見低走103點，再次落到26000點邊皮位，喺作戰室見五分鐘圖同小時圖嘅Slow STC(14.3)都有觸頂向下，所以先mark住先出淡倉，同步亦mark定埋下方一啲目標位。估唔到嘅係指數10分鐘內先Chok上再Chok落到目標位，要10分鐘之內做晒咁多嘢，除非一早Set定盤或者你真係摩打手咁快。
10點後有見指數再向下走，小時圖10線亦都叫做穿過吓，作戰室亦都有戰友撲咗出去，博小時圖中軸今日穿得過去。
恒指熊(62040)，收回價26200點，同一收回價中最高槓桿，有約72.2倍，見到個收回價同現價(10點10分恒指做緊25920點計)距離不足300點都知道係用嚟做Day Trade，想借嘅係小時圖Slow STC(14.3)兩線向下再落；不過依家有啲Kick嘅係落到去中軸之後有似止步咁。
如果出文後再到你睇完，你見到小時圖20線係失守嘅話，咁先至出隻(62040)啦，不然作戰室淡倉爬完格仔你先出嘅話，咁就真係太遲啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
