昨日 11:15
噚日揀咗隻恒指熊出嚟，同前日一樣，都係做Day Trade啫。
先借小時圖見平頂+保歷加頂線頂捉向下，以做Swing Trade嘅方法，即五分鐘圖見Slow STC(14.3)到返超賣嘅話，咁呢一注淡倉只係用咗35分鐘左右，就先收4格；不過作戰室呢一注淡倉係hold到過Lunch，就算唔過Lunch，都有喺食完飯返嚟之後再出多次淡倉接住指數繼續落。
前日睇完台股創新高，噚晚輪到納指同標指，但要港股再創新高嘅話...我諗前題係呢一刻暫時未有人會睇到佢可以撲得到上返30000點先啦...
恒指今早再高開，升175點，開市報26122點，叫做第三日都高開但同時亦都係第二日喺日線圖上同50/100/150線搏鬥中。如果今日都企唔到上呢三條線樓上嘅話，小心向下一借要借返落去10天線。
而作戰室今日開出好倉先嘅，因為喺比咗個開市價出嚟之後，喺五分鐘圖上用返噚日&前日嘅開市位+Slow STC(14.3)擺位做咗對比，稍為計一計數之後先至有呢個決定。但作戰室係爬格仔嘛，所以都係用返噚日小時圖嘅「平頂」位做住爬格目標先。
10點未到呢一注好倉已經爬完，望望鐘見仲有10分鐘先至到10點，理想化係有少少等睇小時圖指數會稍為向下落一落返條10線之後先至再上，順便踩多次條「上升通道」底線。只不過依家見Slow STC(14.3)向上中，似乎又唔係咁行。
10點後開始見到五分鐘圖指數行出「長方形」走勢，10線保持向上有似托住指數再上，但小時圖條頂線/26200點一日未過/企得穩，一日都係浮浮沉沉咁上落。
咁比住隻恒指牛(57538)，收回價25750點，同現價有約430點距離夠安全，槓桿有約43.6倍亦都夠做Day Trade。
進取嘅先留意五分鐘圖10線接唔接得住指數；如果到你睇完之後有見佢接得住(更安全嘅等佢上得返小時圖條頂線/26200點啦)就小注出動；用返平時五分鐘圖Slow STC(14.3)觸底出好倉Swing Trade一趟可以，正數就得啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
