今日 10:55
噚日揀咗隻恒指Put(25463)出嚟，Mark住咗借小時圖嘅頂線約25700點位置，如果指數再抽多次而見阻力的話，咁隻(25463)小注試下。
但可惜噚日得上半場撲上257樓上一次之後，都再沒然後；日內波幅200點左右全數喺上半場11點零出現晒，之後做Day Trade斬頭斬尾拉到盡都係50零點，仍然都係珍奶注。
本身噚日見到新聞同臨瞓前睇到初段美股嘅走勢，都有啲呻「做乜唔硬入隻Put」；但今朝一瞓醒即刻幸好自己仍然按策略行事。話港股日升日跌難捉，美股先跌300再倒升300點仲難搞，不過有波幅始終都係件好事。
「咁今日有無機會做彈高熊呀?」的確作戰室今日係等緊有無呢個機會出現，皆因喺開U盤之前睇返小時圖同日線圖都Mark得到有部分嘅上方量度線比較集中於~260呢個位，而下方就見~253。依家9點47分，指數暫時高位有見25995點，雖然目前稍為向下回落，但仍然日內波幅都唔算大，只係回落咗60點左右，不過按照技術指標畫出嚟嘅線，借26000點唔過博出到阻力，作戰室第一注淡倉就係咁而小注落場。
知道市場唔會時時刻刻都咁稱心如意嘅，實際操盤嚟講，其實等嘅時間嘅動手嘅時間往往多好幾倍。
今日個小時圖反而係最難搞，10點後睇個小時圖，頂底都無線被佢踩住，反而真係用五分鐘圖做Swing Trade所畫到嘅線仲好用。
嚟到10點9分再睇返個五分鐘圖，見指數於10線企得住嘅同時，保歷加通道整條保持向上走，所以作戰室都重新畫返借10線同保歷加頂線之間做向上嘅Swing Tarde。
至於睇文嘅...明白係比較難喺五分鐘圖裏面追上落，如果用返日線圖嘅話，依家10點16分見指數於日線圖上出高位「十字星」，擺位係比上個星期五為低，又真係26000點附近都仲有50/100/150平均線喺度。
噚日揀嘅恒指Put(25463)，條件上同噚日睇嘅都差唔多，可以繼續用嘅；而如果諗住都係高槓桿Day Trade一趟嘅話，咁恒指熊(62128)，收回價26150點，同現價都係得274點距離，所以槓桿有成68.1倍架，就真係夠你做Day Trade快爬啦，但呢隻要Set。但呢隻要Set好用26000點做上方量度線囉，睇吓刀仔可唔可以鋸到大樹！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油滙幣ETF嘅玩法，請往Patreon搜尋「cbbcwar」
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
