今日 11:04
噚日揀咗隻恒指熊(67223)出嚟，借五分鐘圖10線下方出動，博睇吓指數借唔借到10線同保歷加底線向下行。貨就成功出到啦，只不過指數向下落多幾步路之後快抽上過10線，(67223)亦要即刻起身，少輸4格，全月都仲保持正數，OK啦，如果有人同你講佢係長勝不輸嘅，你都要小心啲。
今朝如常喺作戰室先同戰友們睇返啲日線同小時圖啲線同指數嘅擺位，發現日線圖上見10天線已經低走於250天線，「死亡交叉」再次出現嘅同時，因為最短嗰條向下穿過最長嗰條，所以亦暗示五條主要平均線於日線圖上開始出現倒序排列，that's not a good signal ar!
此外，喺日線圖上亦都見到指數彷彿重新畫咗一個「平底三角形」出嚟，而新嘅底線大約係3月23日嘅收市價24382點同噚日低位24409點呢個範圍，即係話恒指依家仍然都係處於「平底三角形」裏面。
咁呢個範圍都OK闊嘅，至少作戰室到依家9點48分已經做緊先高後低嘅動作，連埋輪證嘅槓桿都已經執到份Lunch返嚟。
早排打仗打到啲金呀銀呀上晒去，依家係未打完架，不過啲金呀銀又落返晒嚟，中間嘅波幅好玩到有唔少戰友都嫌港股難捉同波幅細，轉陣去短炒金銀。
當然，炒金銀有好多種方法，而最唔用腦即港股Account都可以玩到嘅梗係用返同白銀相關嘅個股或者ETF啦；但最近多咗個新玩意，就係白銀輪。
因為新，所以暫時都只係Call兩隻+Put一隻，算叫做有得揀加啦，因為出Put真係好難得，而睇白銀嘅走勢其實都係嗰啲技術分析嘅方法啫；反過來所有呢類走勢圖咪又係嗰套方法畫出嚟，又咪係嗰套技術分析。
日線圖上見，白銀價格自3月中至今都處於保歷加下降通道，而最近於每盎斯69美元有出現支持，令白銀價格喘定兼有似上破10線，同時Slow STC(14.3)兩線亦見已經觸底向上。
留意住每盎斯69美元呢個位+Slow STC(14.3)觸底向上能唔能友持白銀價格再向上走，白銀Call(11125)，行使價90美元，同現價有約23.66%價外距離，唯一價外Call兼最高槓桿，有約3.03倍。
只不過係新上市嘅輪，仲要係新嘅underlying，仲要係商品輪，未必個個都知所以可能比較冷清一啲，所以注碼上留意一下啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
