今日 10:52

輪證贏家丨貼價牛玩五分鐘圖Swing Trade好啦

噚日指數大裂口向下，一日內食晒10層牛證街貨層，跌過千點亦令到噚日揀嘅恒指熊(61385)未至於無肉食，比時間同耐性就得啦。

都話政治/戰爭市無得估，明明又話最後通碟又乜又物，噚日又忽然間話推遲攻擊，呢一邊話有人會同佢哋傾；但嗰邊就話完全無人接觸過佢。Anyway，隔晚美股都抽返上去，依家仲有1分鐘就完U，見期貨都着緊綠燈。

先唔理(亦都無得理)佢哋點打點傾，日線圖上見港股噚日向下打咗落去之後，基本上都失守五條主要平均線，250天線由之前嘅支持都變成阻力。

今朝恒指開升377點，報24759點，只可以話係一個合理嘅跟外圍走勢，只不過到正式開市之後，即使作戰室本身都Plan住順U盤方向出好倉，但似乎指數未係好見上行動力，所以大家都唯有忍住手先。

直至見指數向下過返今朝開市位之後，作戰室反手以淡倉造出今日第一注，仍然抱住同平時做trade嘅心態，就係唔貪心，依家9賠45分見指數就嚟連24600都要穿咁款，已經嗌定數住格仔。

10點後有見指數於小時圖上擺位穿於10線之間，而指數亦處245到尾至247嘅頭呢個範圍游走。

依家10點20分，暫時都未係好見指數嘅方向，作戰室都仲等緊機會，唔緊要，今日仲有大把時間，財不入急門。

等多陣都有見指數喺五分鐘圖定得住處10線同保歷加通道之間運行，咁追返近少少用恒指牛(58229)，收回價24203點，同現價有約400點距離，槓桿有約50.2倍，呢個槓桿用嚟做五分鐘圖上下Swing Trade都足夠，而且低街貨。

吼返住五分鐘圖10線企得穩先至出動，如果唔係今日可能有似噚日咁，指數開市初段同收市前尾段先至叫做郁多少少，中間都係橫行多就不了。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。 版權所有。