今日 10:26
噚日揀咗隻恒指熊(53132)，但講明一個出場條件係要指數喺10點後，小時圖上有見下行跌穿底線之後先至可以出，否則真係講拜拜，指數一步到位25000點mark住有支持。結果係：佢就係過唔到底線兼喺小時圖低出咗「破腳穿頭」，作戰室喺之後嘅時段都反手好倉。
上個星期先至話美以伊戰爭有機會玩四至五個星期；去到噚日因為同個戰友意見分歧，就忽然話戰爭好快結束，美股噚晚都陪佢急轉彎，最後倒升200幾點收市。
今朝如常8點半左右喺作戰室同戰友睇個街貨圖，見牛證繼續坐住重貨，啱呀！噚日早市三四次都撞唔穿25000縵位，兼有條250天線再次接住指數，博推返上去繼續坐牛合理；而那邊廂熊證都多返啲肉，打緊仗嘛，邊有容易話停就停，你睇俄烏就知啦，得閒無事都執一劑嘅。
開市前都Plan定出好倉但向上mark住嘅位都唔遠得去邊，先係借小時圖嘅25800點位做上方量度線，企得住嘅先至再用10天線約25900點做第二目標。開市10分鐘已經見戰友先爬好倉格仔。
如果借小時圖嚟做Trade嘅話，同作戰室一樣，都係要等25800點或50線企得穩先至夠膽繼續Hold上去。
終於都等到10點，喺小時圖上未見指數向上突破50線，然而指數都未見好大幅度向下走，不過線唔過，作戰室又已經做出反手注。
恒指熊(53139)，收回價26250點，同現價有約440點距離，槓桿有約41.6倍夠做Day Trade，Lock住小時圖50線做上方量度線，安全嘅見五分鐘圖指數向下過10線或Slow STC(14.3)超買向下即觸頂確認先至出動啦，先預做一趟Swing Trade。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
