今日 10:27
上星期五(3月6日)睇咗隻小米(01810)，仲揀咗隻小米牛(60752)出嚟，Mark住見小時圖保歷加通道口就出動，Day Trade無問題；理想嘅博到10線都可以。以呢度平時唔過夜計，於完場前走隻(60752)嘅話，一個下午茶嘅正數都執到嘅。
美以伊戰爭一早講明有排玩，金油喺早一兩個星期前已經叫作戰室嘅戰友們坐住晒，無咩事都可以唔駛起身；當中以油價比較看高一線嘅關係，所以喺Patreon再砌多隻【石油波動下的能源股投資機會】，有興趣可以去睇下。
油價抽高的確對經濟造成嘅打擊係比金價抽升更明顯，老友水哥身在澳洲上個星期都Share咗佢嗰邊嘅油站出現人龍，親身經歷好比睇新聞感受得更深。今朝日韓澳股市率先下跌，依家9點18分見台股價冧緊落去，港股新加坡黑期跌800點後，再見期貨依家都係冧緊800幾，作戰室戰友們都準備今日搶淡倉。
開市無耐指數已經先穿25000點，將首三層牛證街貨全數收回，而24900至24999點已經有過1700幾張期指街貨嘅重牛區。
日線圖上都預250天線今日會失守，咁變相向下望就無晒天線位，借恒指最後一次見30000點位同2023年低位拉個黃金比率出嚟，見0.618位約24838點，同依家9點38分見恒指報25012點，都只係爭174點。
直出淡倉追指數下行再往街貨走都合理嘅，只不過係好憎又係一步到位咁款，同埋開市到依家都11分鐘，有見指數於25000點位咬得都幾緊，小心沽唔落。
恒指熊(53132)，收回價25500點，同現價有約500點距離，係有再貼價啲嘅熊證但係見25000點都真係幾硬，而佢都有約33.9倍，講真Day Trade都夠做。
8分鐘後就10點，但我講出到文到你再睇完都已經10點，出隻(53132)有一個條件，就係小時圖要確認過得到呢條底線先至出，一旦成立，隻淡倉再博嘅借埋小時圖Slow STC(14.3)博落到超賣位啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
