昨日 10:30
噚日揀咗隻恒指牛(55569)，出倉條件都有講明唔止要指數企高於五分鐘圖10線，仲要保歷加整條仍然向上運行，否則就用返Slow STC(14.3)見觸底上行先至出呢注好倉。
按此，上半場出文後由於保歷加通道已經開始轉向橫行，所以(55569)出唔到倉。及至下半場1點20分有見五分鐘圖Slow STC(14.3)確認觸底上行離得到超賣位，所以出(55569)博行Swing，但可惜指數就係咁弱，中輻軸都過唔到重新向下再落，(55569)亦要敗走。
都合理嘅，大回小漲博好倉係真心難嘅，皆因前人教落跌市容易升市難，升市要錢要力，但跌市只要有一個恐慌嘅情緒就夠。
不過，喺隔晚美股最多跌過千點後，今日港股返嚟反而出另一個樣，指數升37點後再上，至依家9點55分，升幅一度擴闊至逾150點，暫時高位有見25480點，作戰室今朝Plan定出好倉，再試指數上行純綷係博小時圖嘅10線守好企高上20線。「咁近?」唔近架啦，撲得到都有百幾點食架！
到依家10點8分見指數都仲未破得到小時20線位，而作戰室一班人食完第一輪好倉之後，等緊出第二輪倉嘅機會，仍然Plan定都係好倉先但隨時變陣。
睇文嘅都難以追得到好似作戰室咁貼，所以喺呢度睇第二樣嘢。依家咪人大會議開緊嘅，又嚟內需主導啦喎，仲話「今年計劃發行超長期特別國債1.3萬億人民幣，有2500億元用來支持消費品「以舊換新」工作」，就諗起小米(01810)。
小米睇日線圖都應該會被人媽到爆，或者有貨在手嘅都唔敢/廢事再睇佢，借日線圖保歷加底同10線做個普通嘅Swing Trade上落嘅話其實都有得做；長線嘅話，一日確認唔到上過20天線，一日都仲有得Put咁款。
喺呢度更係唔搞咁耐啦，通常都係即日，最多都係過一兩晚夜啫，依家見小米小時圓喺10/20線上行出「圓底」走勢仲有似「大陽燭」過線，而同時呢一棍亦都將股價向上推到去保歷加頂線。
還好Slow STC(14.3)未到超買位，勢頭向上希望保歷加通道口拓闊比位股價再上多級啦。
小米牛(60752)，收回價29.8元，槓桿有約9.3倍，低街貨又距離安全，但記得要小時圖保歷加通道口拓闊或頂線向上，比位股價上行先至出到值博率，不然(60752)就沒用啦~
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
