今日 11:19
上個星期五揀咗隻恒指熊(56474)出嚟，博指數向下過小時圖中軸，達標後都有諗住睇下有無得再向下壓過去，但之後見五分鐘圖出觸底上，(56474)都係先收格仔，保正數為上。
睇睇日線圖，由上星期三至五組合成嘅陰陽燭形態係有似「黃昏之星」，只不過通常見嘅「黃昏之星」中間嗰粒燭都係偏細，甚至係「十字星」，所以中間嗰支咁大嘅都要打個折；之不過呢粒燭喺28056點高位向下打過嚟...um...都真係可偶抵銷到呢個折。
傳統智慧當平時唔買股票嘅人都講股票嘅時侯，就係冧市時候；當平時會過關來港買金貪有保證，但最後有理無理排七個鐘都照買嘅話，就係舊金被燒到最熱嘅時侯。上個星期已經見到金價向下大幅回落，今日繼續跌未停，依家9點19分，金價見做緊每盎斯4680美元左右；唔睇金價都睇下SPDR金ETF(02840)嘅單位價格，U前依家有見跌近一成。好彩上個星期四都開始叫大家將隻S金Call收網，即使出咗風箏策略，硬食咗上個星期五嗰棍都好，至少都已經鎖定咗大部份盈利。
今朝開市跌289點，將恒指重新推返向牛證嗰邊，仲將牛證第一層街貨全數收回，呢度有過千張期指街貨，而27000至27099點呢一層嘅街貨唔多，而且啲牛仔企個位喺27000至27008點極初段位置，要壓穿過27000點唔難，因為下方26700至26799點呢度仲有一層過千張期指街貨，重貨區嚟架，所以今日作戰室都係追出淡倉，一齊追落。
唯一要小心嘅係小時圖同五分鐘圖嘅Slow STC(14.3)都已經處於超賣位，所以呢啲位再出淡倉迫佢落去嘅話，要小心Slow STC(14.3)隨時見觸底上行。
仲有11分鐘先至10點，見指數有再向下壓26900點邊皮位時，被推返向上嘅力度同速度都唔細，但可惜未見持久，指數位家靠近下方牛證街貨，又係街貨 VS 技術指標，唉~
咁樣啦，恒指熊(69256)，收回價27300點，同現價有約360點距離，槓桿有約67.51倍，Day Trade用only，指數啱啱有見向下穿過26900點，變相首三層街貨都全數被收回，再去淡倉更係睇住重貨打啦，唯獨是要留意嘅係個五分鐘圖嘅走勢，隨時出文後再到你睇完之後佢已經變咗做Swing Trade走勢，所以隻淡倉都要用返Swing Trade方法去做，不論是Slow STC(14.3)出觸頂向下好；還是見指數浮到上五分鐘圖嘅10/20線遇阻都好，總之，用隻高槓桿嘅淡倉順住依家個大方向嚟執格仔先。
出文前一刻係10點4分，已經見到五分鐘圖出觸底，作戰室淡倉10點未到已經清晒，因為出呢啲轉方向樣係有先兆嘅。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
