昨日 10:20
噚日無揀到新貨，皆因見前日揀嘅恒指熊(53685)，去到噚日都唔係有好多街貨，而且比較附近收回價的，(53685)低街貨中擁高槓桿，咁就可以繼續用啦；BTW可能有人揸住過夜都唔出奇架嘛~ 係咪?!
喺作戰室收市之後都會同大家做個覆盤，順便睇一睇收市後出嚟嘅圖，睇下有無咩可以Mark定先。噚日就Mark定咗個小時圖，因為尾二嗰支燭喺保歷加底線上出「十字星」，剛好Slow STC(14.3)亦有見觸底上。
而今日恒指都好合作，開市升過百點上到去26272點。雖然喺開市前有Plan定出好倉追上，但係見指數甫開市即見低走，所以都係選擇去沖杯茶之後再慢慢等佢行順先至出手。
10點前終於見到指數向下回落到五分鐘圖10線有似企住，26200點有失守過但都算快重新守得返上去，所以作戰室都等咗大約20分鐘先至開出今日嘅第一注貨；又唔係同人比賽，怕咩等?!最緊要正數。
望望鐘仲有6分鐘先至10點，小時圖上則見指數回落到50線後有似企住兼出下影線向上再縮多一次，10點後如果連條10線都可以重新守得返嘅話，咁作戰室呢注好倉都可以揸得輕鬆啲。
恒指牛(65182)，收回價25800點，同現價有約400點距離，槓桿有約51.4倍同一收回價中最高槓桿、街貨又少、成交又活躍。
1分鐘後10點，如果指數再爬得返上去今朝開市位嘅話，咁五分鐘圖上面就會見到「小圓底」生成，作戰室就係set咗以過到「小圓底」頸線做今日第一注好倉爬格仔嘅目標。
如果到出文後你見到五分鐘圖指數已經唔再借保歷加頂線同下方10線夾住指數做Swing Trade上嘅話，咁可以還原基本步：見五分鐘圖嘅Slow STC(14.3)觸底上行先至出隻好倉啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
上一篇：輪證贏家丨噚日隻恒指熊仲用得
