12月22日 10:44
上個星期五(12月19日)揀咗隻恒指好倉出嚟，出文時因為見到五分鐘圖指數於保歷加頂線同10線夾住上，博見到Santa Claus Rally而去好倉。
但出得文之後再到你睇完嘅話，應該都會見到五分鐘圖Slow STC(14.3)觸頂向下回落，指數亦都向下過咗條10線，所以隻好倉變相係無位出得到。
如常用返五分鐘圖Slow STC(14.3)做Swing Trade嘅話，即於超賣位見觸底上行時出動。但可惜喺五分鐘圖Slow STC(14.3)兩次靠近超賣位，但兩次都只係得%K線低於20，之後就炒返上去，即兩線未到超賣就回啦~
今日已經22號，返多2.5日工就開始放聖誕假，仲以為今日作戰室會得番我一個，感恩都仲有戰友相伴；依家9點18分，已經揀定貨，都係啲比較貼價嘅證，皆因都唔預佢會大上大落，隨時朝早拿拿聲食一轉就收工。
今朝指數再上多100點左右開市，連升四日咁款連日線圖嘅中軸都破返，熊證第一層直接被收回後，喺作戰室都Mark住以好倉作今日第一注，快嘅先借五分鐘圖SLow STC(14.3)上返超買走一趟；慢嘅即管睇吓可以殺到幾多層熊證街貨。
換個小時圖見，同作戰室一齊追升嘅話，反而有難度，因為上個星期五至依家指數都係貼住保歷加頂線上行，而SLow STC(14.3)今朝返嚟已經要迫住出超買再超買，皆因整條保歷加通道目前保持向上中，稍為好友定力唔夠嘅話，隨時都會見觸頂向下Swing Trade。
10點後見小時圖定咗見上影線出現，但指數目前都有似於小時圖150線上接住。先揀定隻恒指牛(61430)，收回價25318點，同現價有約410點距離，槓桿月約40.3倍，依家10點9分見五分鐘圖都開始出觸頂Swing，小時圖捱得返150線夾住保歷加頂線上嘅話，(61430)可以hold借到小時圖去trade；否則可能你睇完文之後再返去五分鐘圖上見指數已經同SLow STC(14.3)觸底上行中，咁(61430)借五分鐘圖快Trade一趟。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。
