今日 10:49
噚日揀咗隻恒指熊(55789)出嚟，博10點後見小時圖保歷加通道口好似拓闊，同埋指數重新靠近下方牛證，又256/255呢兩層無啦啦儲到有過千張期指街貨。
呢注淡倉都算係悶聲發財，作戰室都全日淡倉Hold到底咁滯。
但原來呢注淡倉都可以揸到過夜，皆因今朝喺作戰室同戰友一齊數住個街貨圖，見第二同第三層牛證都分別有過千張期指街貨，呢兩層就係向來重貨區的25100至25199點位，同埋喺佢前面做路障嘅25200至25299點。
與此同時，小時圖&五分鐘圖都有見到技術分析嗰邊係有作勢觸底嘅情況，又係街貨VS技術分析，而指數今朝開市亦只係升1點，作戰室都準備定先出淡倉追落去。
仲有4分鐘就10點，指數低位做過25257點，第一層牛證25300至25399點全數被收回，雖然心想指數可以好似噚日咁碌單邊向下再殺嗰兩層重貨牛，不過Slow STC(14.3)亦都無可能永遠出超賣再超賣。
但咁亦唔等於要出好倉追返指數上返去，始終佢依家同下方嘅重牛咁近。如果大行們要喺聖誕前呢1.5至兩個星期間追埋今個月條數嘅話，咁呢兩層街貨都應該凍過水。
恒指熊(56621)，收回價25873點，同現價有約500點距離，槓桿有約43.7倍，就係等彈高遇阻力線之後出動；即使吼到五分圖Slow STC(14.3)觸頂向下回落而出，當走一轉Swing Trade的話，佢槓桿都夠做。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。
