今日 10:42

【輪證贏家】S金Call順STC走

揀咗隻恒指熊(54712)，剛好出文時見五分鐘圖Slow STC(14.3)兩線上到超買位，啱啦，出文後再用10分鐘去睇文之後再掟隻(54712)出去，再等返Slow STC(14.3)落返超賣位就可以收工，完成一趟Swing Trade。

只不過呢趟下行又慢又耐，觸底如同阿婆行得一樣，一定有古怪。但還按策略完成一趟Swing Trade走貨之後，指數一抽抽到上25990點再來日內新高；可惜，又係26000點前唔過呢~ 而如果喺呢個位再掟多次隻(54712)，捉多一次用五分鐘圖Slow STC(14.3)超買向下到超賣咁樣一趟Swing Trtade的話，咁呢注應該會變成過夜注。

都好呀，至少呢注淡倉如果過咗夜嘅話，今朝都有100點左右嘅裂口可以倉得到：而今早喺作戰室出淡倉都快爬到正數返嚟先。

依家10點7分，恒指又嚟發吽逗，又嘗試去個股度尋吓寶。年尾流流啲金例旺，因為前人教落第四季往往都係中國同印度嫁娶旺季，對金飾嘅需求大增，見目前金價都企穩得到每盎斯4200美元。

拎得隻金出嚟，就預咗我係會拎埋隻SPDR金ETF(02840)出嚟啦。小時圖上見(02840)喺噚日嘅下半場落到50線後，同步Slow STC(14.3)都觸底上行，至今(02840)再爬返上10線以上，20線係一個關嚟嘅，如果金價保持造好嘅話，咁(02840)要爬過20線，同時Slow STC(14.3)順住依家個方向再上都唔難。

S金Call(18294)，行使價3129元，同現價有約4.02%價外蹉離，槓桿有約9.62倍，出年4月到期，輕微價外Call之中最低街貨。

目前見(02840)都係企於小時圖10線上，set50線做下方量度線可以；另一小心嘅係保歷加通道收窄中，都有限住隻(02840)嘅上落位。

今日星期五，市太吽的話休息一日都是唔錯嘅選擇。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室