10月8日 10:36
星期一(6日)揀咗隻恒指熊(54867)出嚟，Mark住個小時圖先借10線唔過而出，再博嘅係指數向下打穿條中軸，再喺小時圖畫住上個星期四(2日)個裂口位做埋目標；借得10線出就反過來用返條10線做上方量線，就係咁簡單啫。
以Patreon出文時間約10點，所以基本上出得隻(54867)時都已經係10點後嘅事。還好恒指上半場行單邊向下，所以去到11點打後見指數低走於小時圖，大約到11點20分左右，Mark嘅小時圖裂口亦都補埋，(54867)收得工。
喺星期一篇文最低有講過當日會喺下午2點零嘅電台節目講關於再追金價上嘅玩法，估到離不開都係SPDR金ETF(2840)架啦，基本上用輪去追金最「純綷」就係用(02840)，皆因用金礦股去做嘅話，中間會加入咗啲行業/公司營運情況同股市氣氛等因素，所以先至會喺電台裏面講(02840)Call。
若然恒指熊+(02840)Call 都有在手而Hold到今日嘅話，我諗應該好爽。依家939分，今朝指數跌50幾點開市作戰室都Standby淡倉搶閘，到依家指數已經向下直殺到265xx，首三層牛證街貨全數被收回嘅同時，其中有一層係過千張期指街貨嘅重貨區，仲有依家嘅265位置亦都係牛證第一重貨區，作戰室今朝開出嘅淡倉都準備出風箏策略；有嘢做嘅戰友索性正清倉。
當戰友們啲淡倉清晒，而見指數落到26520點(截至9月55分止)嘅低位見停後，換個日線圖去睇吓，哦，原來指數向下再落到20天線(26529點)附近後企住，咁唔怪之得去到呢個位會定一定，唔再向下殺過去啦。
少少想比返隻好倉如恒指牛(63631)，收回價26188點，同現價有約380點距離，槓桿有約48.3倍，純DayTrade + 五分鐘圖Slow STC(14.3)出Swing trade用。
依家10點9分暫時都真係畫得到日線圖20線有支持，借得住呢個位嘅話，快爬格仔都過一過五分鐘圖10線安全啲。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
