9月24日 10:16
繼續跟進前日出嗰隻恒指熊(60547)，Mark好借日線圖10線作為上方量度線，下方望住日線圖20線/「上升通道」底線/26000點位置。
喺噚日嘅下半場大約2點15分見指數向下壓到落到26003點，之後都有抽升返上去，Hold咗一日貨落到呢個位，嚴守策略嘅話(60547)可以功成身退。
凌晨時分天文台已經改發十號風球。不過今年似乎大家都提前好多做定準備，苦中作樂或者都係香港人嘅特色，皆因喺FB上面彷彿見到有個「黐膠紙創意大賽」，傳統米字型已經滿足唔到，文字組：一缺三徵雀友、打氣嘅說話、咖啡宣傳等；圖畫組：過三關、李生肖象、領域展開、chiikawa等等。
最令人感動嘅係早幾日開始已經有動物團體呼籲大家幫下做狗場暫托，以至捉埋啲浪流貓狗入室內，成個Threads一呼百應，香港人多可愛~
今朝港交所係業界一度勸籲停市之下開市，26000點似乎會打一陣攻防戰，但我相信噚晚有唔少港人已經同隻窗打緊防水戰，作戰室都有幾位係咁，本身想叫佢哋休息下但應該唔得，因為依家係樺加沙最近香港嘅時候。
依家9點39分，恒指低開高走轉燈，噚日26003點到步後指數如果抽得返上去嘅話，咁即係26000點呢個位係有料到。
再睇個小時圖見指數噚日落到100線後出下影線接住，至依家處於10/100線之間，兼有似借Slow STC(14.3)兩線觸底上而企高於10線。
如果你身處嘅位置係安全嘅，唔駛keep住換窗邊嘅毛巾嘅，恒指牛(57070)，收回價25650點，同現價有約420點距離，槓桿有約45倍，應該出完文之後到你睇完就10點，到時望下小時圖勢成唔成功先啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
