昨日 11:54
噚日揀咗隻恒指牛(56507)出嚟，mark住安全嘅等五分鐘圖Slow STC(14.3)回返落超賣位至出動；進取嘅借指數於保歷加上升通道向上運行嘅話，中軸有支持力就借佢啲力而出動。主要都係借返小時圖條10線睇吓有無得再上。
以噚日Patreon出文時間如常再加10分鐘作為睇文的話，喺大約10點40分再睇返個五分鐘圖，見Slow STC(14.3)兩線都仲係喺超買位，不過指數就仍然處於保歷加上升通道裏面，同步借高咗有10線做支持，所以當借10線+進取mode出隻(56507)。
本以為指數再上，但落場後再過5分鐘，恒指高位見26532點同時行出「射擊之星」，作戰室好倉走鬼，而11點20分見指數向下失守10線，基於(56507)進取mode出動嘅關係，10線守唔住(56507)都唔守啦。
其後指數再落多少少，喺作戰室畫咗一個預測「大圓頂」出嚟，還好做緊新城節目時指數落返去今朝開市低位附近，「大圓頂」生成之後戰友們都自動波先食反手淡倉。
今朝起身睇新聞見隔晚美股造到好靚仔，不過睇返今個星期其實都係多事之「周」：聽日《施政報告》+美聯儲議息；後日英國議息；星期五就到日本議息。望望鐘仲有大約4分鐘就10點，見指數有再創逾4年高位，見26601點，疊加熊證啲街貨重過我，本身都喺作戰室畫定位睇下有無好倉再追，誰不知高位掂到之後極速喺五分鐘圖上出上影線，反方向指數再落，作戰室今日繼續淡倉出動。
所以，又可以將個視線放返上金，換出輪證即係SPDR金ETF(02840)，今日見金價再撲高位，而小時圖上見(02840)嘅單位價格跳高咗，Slow STC(14.3)兩線轉返向上，不過保歷加通道口有見拓闊。
咁樣彈起的確係想等佢向下回一回落嚟先至出隻S金Call(19298)，行使價2858元，同價有約8.42%價外，槓桿約8.83倍，出年4月到期，引伸偏低同低街貨都係佢嘅賣點。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
