今日 10:10
噚日揀咗隻恒指牛(55353)出嚟，明講硬追自己數住位，而如果五分鐘圖嘅10線有支持嘅就追上。
不過噚日掛住同作戰室戰友Trade注好倉，搞到10點半左右先出文，當時準備一出即睇如常用10分鐘時間去計嘅話，指數已經爬到上26000點樓上，咁唯有重新再等指數借10線有見支持時先至再出隻(55353)。
11點打後已經有答案，恒指高衝26027點再創年內新高之後即出「平頂」，指數向下落過10線，(55353)可以先返屋企。
用返一貫借五分鐘圖Slow STC(14.3)方法出Swing可以，只係等到11點半左右就有，但呢一注一守就到下半場3點到，拉盡計都有150點，都唔錯啦。
用Swing Trade方法做嘅話過夜應該唔似有，但今日指數開市再企多次26000點樓上，一開出嚟口價26042點已經再創年內新高。及至開市後作戰室好倉追上，hold貨等指數再創年內新高。
呢期啲金都誇啦啦，所以記得早排有揀過SPDR金ETF(02840)嘅Call，不過高位都要回一回嘅；而泡泡瑪特(09992)就Keep住回咁滯，星期一(8日)先至揀咗隻泡瑪熊(66226)，諗住睇日線圖嘅50線，再睇返今日個圖都差唔多到啦喎，Hold到依家嘅又食得啦。
仲有4分鐘就10點，小時圖上見指數今日裂口高走，畫住嘅圓底頸線都以裂口上破，整條保歷加通道上運行都提醒咗戰友們指數同Slow STC(14.3)係有條件出返觸頂嘅Swing，不過，只要Lock住指數喺保歷加頂線同10線之間上落就可以。
恒指牛(55565)，收回價25417點，今日新上市所以無街貨兼市場上最貼價牛，槓桿有約31.5倍，比較安全嘅都真係借返五分鐘圖10線有支持先至再出，始終Slow STC(14.3)無可能永遠貼住個天花板唔落，所以，再安全嘅就等五分鐘圖嘅Slow STC(14.3)喺超賣有見觸底上先至出動。
再出好倉嘅原因只得一個：指數踩住熊證街貨層嘅同時，同牛證街貨隔好遠。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
