7月22日 10:20
噚日無揀到任何貨出嚟，只係專注返隻滙控(00005)，因為上個星期五出咗隻滙豐牛(68629)出咗，Set小時圖中軸做下方量度線，痴鬼線的博見紅底。
睇咗隻滙控先，股價今朝大裂口高走至99元以上水平，截至9點46分止，高位見過99.75元，而(68629)目前證價見0.071元，對比上個星期五嘅平均買入價，已經有9格或14.52%落袋，以一隻個股證嚟講都算表現唔錯，雖然現價計未到紅底，但正數已有，兼今日有見股價上破咗日線圖嘅保歷加頂線，數住位見好收啦；但如果想再Hold嘅，風箏mode借好99元呢個下方量度線啦！
至於恒指方面，今朝恒指開市返嚟見指數都只係升30點，但意義大於一切，指數重奪25000點樓上，作戰室好倉即追至依家9點42分，已經有戰友率先食糊，而恒指亦都將第一層熊證街貨25000至25099點全數收回。
恒指創三年高位...真係咁順?!25000點打多陣都唔會?!10點後小時圖上見指數出咗長上影線，少少似「射擊之星」形態，只係燭身厚咗少少，Slow STC(14.3)兩線向下，而小時圖10線位見24923點，硬係覺得指數都係一浪高於一浪咁上行，比起一個大裂口爆上嚟得「細水長流」。
破位上25000點走嚟出恒指熊(54162)應該有人會即刻棄稿，收回價25400點，高於重貨熊100點，同現價有約380點距離，槓桿有約53.2倍，夠做Day trade。
純借小時圖出個高位上影線嘅物+Slow STC(14.3)觸觸頂向下而出嘅淡倉，理想嘅更係小時圖10線踩到啦；動作快嘅，借五分鐘圖嘅Slow STC(14.3)做Swing Trade囉。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
