昨日 10:20
時間都真係過得幾快，轉眼又嚟到2025年嘅下半場。睇返個日線圖，今年五不窮、六不絕，七毋須要翻身；不過有唔少都市傳說都話其實七月普遍造好，皆因係下半年嘅第一個月份。呢方面我又無乜點統計過，或者因為我做開Day Trade，好少持貨咁耐。
今朝恒指開升232點，報24304點之後，指數高走至24372點見高開低走，到依家9點49分，恒指升幅收窄至得返升114點，做緊24188點，作戰室先好後淡倉中。
仲有大約6分鐘先至10點，指數升幅進一此縮窄至不足100點，小時圖上見今朝裂口高開後企到上中軸，依家都慢慢向下瀡返落去10線以下位置，Slow STC(14.3)兩線重新跌返落去20樓下嘅超賣位。
10點後見指數擺位確認低走於小時圖10線，依家作戰室都係等睇呢條線到底會係做多一次阻力線，還是指數生性企得返上去。
恒指牛(68546)，收回價23850點，同現價有約333點距離，槓桿有約57.55倍絕對係Day Trade用。
出好倉純綷係因為依家10點12分見指數擺位上返去五分鐘圖嘅保歷加中軸樓上，少少擔心指數喺中軸咬咬下又跌返落去，畢竟依家Slow STC(14.3)兩線處於接近超賣位。
安全嘅，或者可能到你睇完文之後，條Slow STC(14.3)已經跌到落超賣位，咁仲簡單，當佢Swing Trade行一趟收工。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
