昨日 13:45
今朝揀咗隻恒指牛(54176)出嚟，都Mark定個五分鐘圖，借到線位出到好倉就掟出好啦，如果唔係用返Slow STC(14.3)行一趟Swing咁做。
喺臨出文時作戰室第一注好倉都差唔多完成，所以都估到喺呢度嘅(54176)隨時要等指數回到落平均線見有企到，或者STC落到超賣位出觸底之後先至出得到。
去到大約10點45分，Patreon出完文都一段時間之後，見指數企咗喺五分鐘圖嘅20線上，再等多15分鐘見佢仲企得住兼Slow STC(14.3)喺中軸水平兜返上去，兩個訊號出現，(54176)推得落場。
同平時一樣用10分鐘時間去買貨嘅話，期內(54176)高低位做過0.066元/0.058元，平均買入價為0.062元。
落場後有見指數再上到23450點樓上，少少幾點幾點咁見日新高，雖然係借中軸線而出好倉，不過去到11點40分時已經見到Slow STC(14.3)上到超買位，基本上以行一趟Swing Trade計，已經達標啦喎。
不過，今次嘅Slow STC(14.3)上到超買之後都頂得幾行，去到依家下半場1點13分都仲見到Slow STC(14.3)兩線處於超買範圍，隻(54176)幾時走都得，或者將下方量度線上移到借五分鐘圖10線亦可。
自己數住自己注好倉，睇住準備正數收工啦！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
