4月15日 11:11
噚日本身揀咗隻恒指好倉，但基於無符合出場條件，所以無做到同同指數有關嘅Trade；至於噚日【輪證下半Part】揀咗嘅Popmart(09992)，今日繼續向住歷史新高167.X元出發，不過依家9點37分見佢日線圖有似出「射擊之星」物體嘅粒，追佢都真係忍一忍手先。
指數今朝開升上到21600點樓上，不過以呢兩日指數嘅Pattern，已經有戰友喺完U後拉定筋等一開市就出淡倉。畫住下方量度線最近為日線圖嘅10線21390點作為第一注淡倉爬格仔嘅目標；搭九未到已經開糊。如果你係好有紀律地每日只係用開市後首半小時嚟Trade一趟，跟住熄電話返去工作崗位繼續做嘢嘅話，呢一Trade一個月儲落嚟都真係多份零用比自己去揈。
仲有9分鐘先至到10點，恒指似乎想玩燈掣，開市首半小時紅綠燈互着咗都不知幾多次；重點係暫時見指數落到2139X點後有似築底，而呢個位亦大約等於日線圖嘅10線/五分鐘圖嘅保歷加中軸。
唔捉指數再向個股尋寶，噚日喺作戰室bookmark咗隻港交所(00388)，今朝10點前戰友問過有無得再跟進，當時無，皆因股價貼住小時圖嘅100線，我都等緊佢過唔過線。
10點後見港交所小時圖有企住10線(328.62元)水平，一早喺作戰室執定隻港交牛(64697)，收回價305元，同現價有約28元距離屬安全水平，槓桿有約10.1倍，為市場上第二貼價牛證。
知道小時圖Slow STC(14.3)有出觸頂，但整條保歷加通道向上，所以暫時畫住股價於保歷加頂線同10線以Swing方式運行。
萬一到你睇完文之後見佢向下跳咗落去問中軸借位嘅話，港交熊(64702)，收回價350元，同現價有約19.2元嘅距離，頂住先。
今日下午無【輪證下半Part】，明早【輪證贏家】再見。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
