4月7日 14:24
今朝揀咗隻恒指牛(68999)出嚟，諗住可以趕得切同作戰室一齊出好倉，但結果出完文再睇埋之後，作戰室一早已經食晒餬，但今日大家初段時間叫做「做好晒第一輪啲Trade」之後就再無落場，指數陰跌之後慢慢逐步出新Day Low，最終半日最低見過20403點，係呀，連平時用開嘅牛熊證街貨圖，都無法再睇下面嘅牛證仲有幾多。
有趣嘅係，現時最遠最遠嘅牛證收回價為9888點，同現價有成萬點距離，槓桿得2倍，今日有成交呀，半日有16.9萬元架！咁遠距離更係安全啦，近20年史上最強嘅單日跌幅今日應該會出現，對上一次為2024年10月8日，當日恒指下跌2172點，收報20926點，跌幅約9.4%。再對一次就要數到2008年1月22日嘅單日最多跌2061點嘅紀錄。過萬我諗政府都要出嚟開緊急記招。
只不過我有少少好奇，既然大家都係2倍嘅話，點解唔去買啲同恒指走勢相關嘅2倍ETF呢?!ETF其實都幾好守，又無輪嘅時間值問題，係咪先?!
下半場開市之後見指數再落，分分鐘今日都係近返上個星期四&星期五兩晚美股嘅跌勢，指數進一步再落到20300點以下範圍。喺以200點為一層嘅街貨圖上見，20100至20299點呢度有相當於300幾張期指街貨，一鋪清袋咁款。
依家1點21分，指數同Slow STC(14.3)忽然抽高，但連20線都企唔穩之下，似乎今日都係難以捉底，(68999)都係收返埋先，依家作戰室都係吼住條中軸唔過，繼續出住淡倉追落。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
