3月31日 13:28
今朝初段時間我又係避一避條恒指，因為我發覺呢期都係10點打後先慢慢玩條指數比較有信心啲；咁無理由做一啲無信心嘅Trade架嘛，係的話咁同賭錢基本上無乜分別，買張船飛過大海真人發牌算吧啦！(依家已經可以坐車添啦！)
繼續嘗試喺個股方面尋寶，今朝揀咗隻小米(01810)出嚟，除咗見佢失守50蚊之外，仲見到佢嘅小時圖由上個星期開始借住10線同保歷加底線向下行，於是揀埋隻小米熊(60310)出嚟，先Mark住日線圖之前見過嘅49.05元平底或保歷加底線先。
以今朝Patreon出文時間為10點15分，如常的用10分鐘時間去睇文的話，則於10點25分再睇返個走勢圖，見小米五鐘圖上先係低走於10線，而小時圖則見指數上影線掂到10線之後就向下縮返落去，(60310)可以出動。
如常的用10分鐘作為買貨時間的話，期內高低位做過0.053元/0.051元，平均買入價為0.052元。
無Set目標價，因為第一步只係話要留意日線嘅保歷加底線，無諗到呢條底線都穿埋。咁嘅話用返平時嘅方法去做，即借五分鐘圖條10線作為上方量度線，甚至乎見到有正數收到返嚟就食咗佢先都可以。
持貨至下半場開市後見股價向上抽高，1點5分打後已經見佢企返上去五分鐘圖10線之上，(60310)可以走人。
一樣都係用返10分鐘作為走貨時間的話，期內高低位做過0.064元/0.058元，平均走貨價為0.061元。即呢一趟平均執9格或17.31%。
今個月睇嚟都可以收工，一陣出【月度報告】就知架啦！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
