3月19日 13:56
今朝揀咗隻恒指熊(55499)，諗住借小時圖向下望到條10線為目標，皆因打緊文嘅時候作戰室都係咁玩緊。
不過，又係出完文之後指數都已經落到去24600點前，五分鐘圖上見指數向下撞過幾次24600點都唔穿，無耐Slow STC(14.3)仲出埋觸底向上，完全不利出(55499)。
及至11點打後雖然有見Slow STC(14.3)兩線出觸頂向下，但問題在於小時圖同10線嘅距離又遠咗，同目標愈嚟愈遠又點能出倉呢。
作戰室今朝玩法都且戰且走，大家執到嘅格仔都偏向比較少，又無得懶話個市唔多郁搞成咁，之但係呢個又係事實喎。
午後返 嚟見指數向上推高多一次見24800點，兼仲有似企得住。果然技術分析VS街貨，企喺街貨嗰邊做死極有個譜，即使佢力水唔夠，一層半層都叫做「飯來張口」咁近。
依家1點23分，指數暫時高位做過24874點，作戰室借緊24800點守好而出好倉，本身睇住指數向小時圖10線穿而部署淡倉出唔到嘅話，反過來依家見佢似借住10線向上再去，恒指牛(56547)，收回價24047點，與現價有約707點距離叫做最近嘅牛證架啦，約30.2倍槓桿夠做Day Trade嘅。如果玩得快嘅，用嚟喺五分鐘圖上爬格仔都OK嘅；小時圖10線仲借唔借到，都真係要睇佢係咪借返保歷加頂線同10線行Swing啦。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
