昨日 13:44
同噚日一樣，今朝都係揀咗Pair恒指牛(60024)同恒指熊(61228)出嚟，本來係計劃追市上，但都怕出文之後個市已經上完，所以揀定多隻淡倉出嚟。
以今朝Patreon出文時間為10點5分，如常用10分鐘作為睇文時間的話，於10點15分再睇返個圖，指數第二次落到2372X點水平，同時亦見指數一高低於一高，向下斜線成立，於是喺五分鐘圖上開始畫得到一個「平三角形」物體。
咁就慘啦，坦白講我玩「三角形」都真係輸多贏少，仲要輸嘅機會率(根據個人靠印象去統計)起碼九成，喺呢個「平三角形」裏面玩上落用好淡倉去做唔係問題，因為作戰室都有戰友係咁玩嘅。只要唔貪心，一兩格都食就得啦，因為本身個「平三角形」都唔係大個。
「如果用Slow STC(14.3)同平時一樣做Swing呢?!」，可以，喺五分鐘圖上面今日都有見過Slow STC(14.3)兩線落到超賣位，不過就未曾見由超賣位上返去超買，最多最多都只係上到6X之後向下重新再回，同步指數亦見由剛剛企返上20線前重新向下穿多一次，連帶10/20線都穿埋。
依家1點24分，恒指亦有見Slow STC(14.3)兩線重再觸底上，Slow STC(14.3)兩線位都算係離開咗超買一段時間，不過都唔係好耐，如果試今次呢個觸底上行嘅Swing有力上嘅話，好倉今朝揀嘅(60024)都仲可以用得到；反過來高位回落嘅話，(61228)亦都仲啱用。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
