3月6日 16:06
恒指今日大裂口一步到位，開市無耐就向上係咁掃熊證街貨，掃到上重熊都收埋之後，都預咗指數定住唔郁：向下殺返牛條路又遠，仲有「兩會」未完；向上再殺又得返24500至24599點一層叫做有啲睇頭嘅街貨，但一日做晒嘅話，恐怕啲人都即刻四散，再儲多次重貨都難。
所以今日揀定隻恒指Call(28272)For過夜博指數再上嚟用；同時搵定隻恒指熊(54470)，用嚟五分鐘圖偷位玩Swing Trade用。
先搞隻(28272)，以今朝Patreon出文時間為10點16分，如常的用10分鐘作為睇文時間的話，則於10點26分時再睇返個走勢圖，有見指數開始向下回落到10線位，博呢條10線接得住而出隻(28272)的話，同平時一樣用返10分鐘作為買貨時間的話，期內高低位見過0.098元/0.092元，平均買入價為0.095元。
由於呢注Call係打算放耐少少；當然啦，唔對路嘅時間亦都無必要捱價，所以：
1.留意小時圖保歷加通道拓闊嘅情況，由於依家係拓闊中，所以Slow STC(14.3)都仲有條件出到超買再超買。變相如果佢唔再拓闊的話，咁Slow STC(14.3)出Swing Trade觸頂向下嘅機會變返大，不利好倉；
2.善用埋陰陽燭形態，高位見到出轉向燭形態出現的話，好倉先行一步收正數保盈利亦係可以的；
3.由於小時圖至日線圖上都無晒近嘅平均線係下面可以借位，所以自己都幫自己mark定一個止蝕水平，可能係某一個%嘅止蝕位；視乎你注碼幾大，呢啲嘢就真係人人唔同，因為每個人可承受嘅風險不一，但自己計過數自己頂得順而舒服嘅就可以啦。
呢個專欄無厘頭都寫咗10年；作戰室開張到依家都應該有四年，以上呢啲玩法即係我用咗十幾廿年。當然唔係次次都贏，但至少可以減低損失，控制風險，畢竟個人認為控制風險係排先過獲利。
仲有2分鐘就開下半場，都係出咗文先。
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
