2月14日 14:48
今日再揀多次好倉出嚟，不過見指數今朝行得比較慢，仲一開市喺五分鐘圖比個「平頂三角形」出嚟，所以變一變陣用返啲高槓桿少少嘅產品，於是揀咗隻恒指牛(53897)出嚟，簡單啲用返Swing Trade方法去做。
一如以往睇文嘅用返小時圖去做；作戰室向來用開嘅五分鐘圖喺呢度真係追唔到，而佢哋都係爬完格仔之後，就各自返回自己嘅工作崗位度開工。
以今朝Patreon出文時間為10點7分，如常的用10分鐘時間去睇文的話，即係於10點17分時再睇返個走勢圖。
先mark10點後嘅小時圖10線為22072點，而當時指數擺位有高過10線，做緊22207點，(53897)有位出場。
同樣以10分鐘時間去出隻(53897)的話，按期內高低位做過0.078元/0.068元，平均買入價為0.073元。
落場後見指數喺五分鐘圖上都一直沿住10線上行，並一度迫近22400點，叩門不遂，指數有見稍回至臨完上半場前五分鐘先開始過10線，不過當時擺位同小時圖10線都真係好遠，當然唔過Lunch可以數格仔走人啦。
午後返嚟至依家1點24分都仲見到指數玩住條中軸線，而小時圖嘅10線擺位亦比今朝見嘅高咗，依家見到嘅係22174點。今日星期五，過夜的話變相過Weekend，係想博多次指數見22400點但午後最多都只係去到22385點。
Set定盤等Hit可以，同時都lock緊少少下方量度線。沿用小時圖的話可以考慮將下方量度線向上移到22270點；咬緊啲嘅，五分鐘圖又行「平頂三角形」，用底線Lock實啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
