2月13日 14:24
真心港股咁升法，一方面令人振奮，但同時見到個牛熊證街貨圖咁鬼多熊證，牛證反而愈來愈少，多少都反映到大家開始捉高位向下落嘅轉角位同時，即使出好倉都唔敢過夜，邊走邊吃，寧願走多幾轉都唔想接到火棒，所以今日都揀隻無收回條款嘅恒指Call(28607)出嚟，以避忽然轉向撻死。
以今朝Patreon出文時間為10點5分，如常的用10分鐘去睇的話，當時五分鐘圖上見開始借住10線位再上，進取注借呢個位出隻(28607)的話，同樣以10分鐘作為買貨時間，按期內高低位做過0.083元/0.08元，平均買入價為0.0815元。
落場後指數有一度向下過10線再落到20線，呢啲位快閃走人嘅話，咁你應該係用貼價牛熊做來回trade，唔係出Call嘅策略。
出得Call講到明追指數上，數住格仔當然符合主題邊走邊吃啦，睇住個牛熊證街貨圖嚟玩，食半留半風箏策略亦都得。
認真，無乜咩終極目標嘅，向前再數返上年10月啲位講緊係23000點架啦，不過可以睇住兩樣嘢：1.如果指數唔再踩住熊證街貨層同時又牛證新出嘅追得到指數現貨價；2. 如果開始又有啲平時唔講股票嘅人忽然大談起上嚟，甚至同你透露佢新手開戶/all in重課嘅話，好倉準備收執行裝啦。
沿用技術分析的話，高位一見陰陽燭出轉勢樣嘅，先收亦無妨。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
