【輪證下半Part】阿里牛未符合出場條件

今朝揀咗隻阿里熊(56600)出嚟，唔係純綷因為美國郵政變咗方唐鏡嘅，比較係見到股價喺日線圖上「紅底」前稍有阻力，同步Slow STC(14.3)兩線有見觸頂，而保歷加通道底線亦有似上行，所以小試(56600)博喺日線圖上見到佢向下回落啫。

由於用上日線圖，所以預一預呢一注都未必可以Day Trade完成。而入貨位亦用上小時圖，今朝睇文時見股價喺小時圖上嘅擺位低於10線，講咗10線Lock住股價向下壓得到過去先至出場。

以今朝Patreon出文時間為10點15分，如同平時用返10分鐘去睇文的話，即於10點25分再睇返阿里個走勢圖，小時圖10線位見96.86元，而股價當時已經重新爬返上10線樓上，有見97元，未符合出場條件，唯有等。

等到大約11點，股價無啦啦抽高，恒指同步亦都抽返上20700點樓上兼再上見日內新高。再睇多次阿里小時圖，已經見到股價完全守返上10線之上，睇嚟(56600)今日都應該無戲做。

不過，佢仍然值得放喺個Watch List裏面，皆因股價少少見一高高於一高，而Slow STC(14.3)則一高底於一高，呀~「頂背馳」出現。

比較安全嘅做法可以沿用返小時圖過10線先至出隻(56600)；偷步博「頂背馳」出現的話，注碼上留意一下啦。

至於今日作戰室方面，一如以往，個圖畫到花晒~

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應了解有關風險，並諮詢專業顧問及查閱有關上市文件。