2月3日 13:52
上半場工作時看到一則新聞，就是台灣藝人徐熙媛(大S)流感併發肺炎猝逝日本，這個消息不僅震撼了台灣，真的都令我有啲唔知點反應，可能由細到大都有睇過大S的電視劇，真心覺得佢真係好靚，當然都有睇佢妹妹小S嘅節目，直到依家每晚嘅《小姐不熙娣》都仲有追，由節目/小S間中講佢家姐嘅事亦知道佢係一個才女，中間休市時睇中天新聞的走馬燈打出「香消玉殞」，願你一路好走。
收拾心情，睇返條指數先，今朝喺五分鐘圖上面畫咗個區間位出嚟做Swing，所以都執咗兩隻貨出嚟。以今朝Patreon出文時間為10點4分，再如同平時一樣用10分鐘時時間去睇文的話，罰於10點14分再睇返個圖，見指數落到之前畫嘅區間位底線，不過就行出「錘頭」形態，做Swing的話到底線位即係出隻恒指牛(68149)博佢上返區間位頂線。
如同平時一樣以10分鐘作為出貨時間，期內(68149)高低位做過0.027元/0.019元，平均買入價為0.023元。
落場時剛好撞正一大支陽燭出現。到落場後見指數已經重新頂返上區間頂線位，喺10點30分已經見到指數上破咗區間頂線，再去到中軸前停一停之後，11點打後重新再上過，而同時小時圖亦見指數爬返上50線樓上，呢個都係今朝mark過出好倉嘅另一個指標，有出咗嘅就當繼續hold住啦。
Hold到大約11點15分Slow STC(14.3)兩線都上返去超買位，即使借之前出貨位嘅Slow STC(14.3)喺超賣而Swing反去上超買，呢個位都可以即食隻(68149)作為蛇年第一注正數。
以Slow STC(14.3)出超買至11點50分計，呢段時間都可以走隻(68149)，按期內高低位做過0.038元/0.024元，平均走貨價為0.031元，呢一注平均有8格或34.78%入賬。
作戰室今朝上上落落時，佢哋當正指數派利是，希望你都收到佢嘅利是啦！
不過有作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
