1月20日 14:24
唔知係咪恭迎特朗普再度登上總統寶座，今日港股都真係幾升得，20000點攻上之後出晒奶力守住。
而今朝揀嘅恒指牛(67622)應該都有進賬，以今朝Patreon出文時間為10點19分，如常的用10分鐘時間睇文的話，則於10點29分再睇返個走勢圖，見恒指五分鐘圖已經踩完條10線向上高走，仲過埋一個「小圓底」嘅頸線添，Slow STC(14.3)亦保持於超買範圍，但唔好睇漏條保歷加通道，因為當時整條保歷加通道已經變返做平衡向上，真係有條件出Swing，寧願等一等先至再重新搵位出倉，大不了Miss咗出倉機會(無輸贏)都唔好將自已嗰一注一掟即輸到九彩。
果然，指數隨後升幅收窄，一度向下回落到20000點樓下，10線過到20線開始有見企穩，並於11點10分見Slow STC(14.3)兩線於中軸水平重新兜底再上，偷位出(67622)當借保歷加上升通道運行而去。
如同平時一樣用10分鐘時間去入貨的話，期內(67622)高低位做過0.079元/0.074元，平均買入價為0.0765元。
借得中軸去就用返條中軸作為下方量度線。持貨過Lunch再到依家1點半，指數再見日內新高20084點，其實今日恒指補咗1月2日嘅開市下跌裂位架啦，如果再向前數嘅話，就要再數返聖誕嗰期嘅高位大約2016X點至2019X點間。
今日會唔會咁痴線到埋，我唔知；我只知道嘅係按照平時指數喺下半場多數都係慢活而過，但佢慢活係佢嘅事，五分鐘圖10/20線都真係要好好鎖定，數住位儲格仔過肥年啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
