昨日 13:28

【輪證下半Part】恒指牛比多個出倉條件

今朝揀咗隻恒指牛(61694)，不過打緊文時作戰室啲好倉都開始出風箏策略。

以今朝Patreon出文時間為10點9分，如同平時一樣用10分鐘作為睇文時間的話，則於10點19分再睇返個走勢圖，已經見到指數上到19400點樓上後出「平頂」+Slow STC(14.3)向下，(61694)應該唔係出倉時間，反過來係作戰室好倉全線收隊嘅時間。

知嘅，好多時都會有咁嘅情況出現，但唔緊要，可以再等下一個機會，就係用返五分鐘圖嘅Slow STC(14.3)Swing返落去超賣位時有出觸底向上，咁就符合返出好倉嘅條件啦。

估唔到10點20分見Slow STC(14.3)觸頂向下回落，呢一落落到上半場收市前先見Slow STC(14.3)出觸底，仲要只係得數值上比之前高返，但%K線都仲未高走返條%D線，要確認觸底都真係要等下半場開市之後先知。

下半場開市後見指數有再向下，指數升轉跌個樣好似想返番去今朝開市水平咁，但五分鐘圖又真係見Slow STC(14.3)兩線出觸底，少少擔心指數借Slow STC(14.3)觸底上但到10線又收皮，(61694)要出嘅話，比多個出倉條件係企得返上五分鐘圖10線先算啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar