昨日 13:37
今朝揀咗隻恒指牛(63161)出嚟，博指數喺小時圖10線守得住可以爬高返少少。
以今朝Patreon出文時間10點21分，如常用10分鐘作為睇文時間的話，則於10點31分再睇返個市，先睇當時小時圖10線為20412點，而喺10點半時指數20421點，剛好踩住10線位，比多少少時間再睇指數守唔守線嘅話，10分鐘後已經有答案，指數貼住線行多五分鐘之後就開始向下跌，連20400點都無埋，(63161)絕對可以冷處理。
至於作戰室，其實今日上半場嘅早段時間都有出到好倉，只不過係喺五分鐘圖上見佢被50/10線夾完之後，Sloe STC(14.3)向下再過。
換一換唔睇個市，今朝睇過早兩日係電台節目上有提及過隻「聖誕鐘，買滙豐」。
真心架，日線圖見滙控股價由8月開始以一浪高於一浪嘅形態向上走，至最近浪浪都仲未畫到，不過股價依家稍於74蚊sth出阻力，maybe浪頂準備出現。
所以，Mark住隻滙控嘅10線約73.55元位置，稍等一下滙控落返去10線後見企穩先至再出手；但如果見74蚊sth呢個位佢起跳嘅話，滙豐牛(61423)，收回價68.8元，呢口價仲低過日線圖50線，槓桿有約17.7倍為市場第二高。小注試下睇下博唔博到份聖誕禮物返嚟啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
