11月15日 14:11
今朝揀咗隻恒指熊(60418)，真係到出文之後指數又已經變晒樣，以今朝Patreon出文時間為10點28分，如常的計以10分鐘時間作為睇文時間的話，則於10點38分再睇返個走勢圖。五分鐘圖見去到中軸之後止步，Slow STC(14.3)亦於中軸位出轉向，(60418)唯有重新等第二次見觸頂向下嘅機會。
還好都唔駛等好耐，喺大約11點見Slow STC(14.3)已經上返去超買位置，同步指數再次上到1960X點，亦即大約小時圖10線水平。坦白講呢個位之前都守咗好耐，噚日失守之後今日指數第二次企圖上線但不果。及至11點15分確認埋Slow STC(14.3)兩線由超買位向下觸頂回落，(60418)落得場。
如同平時一樣用10分鐘時間去買貨的話，按期內(60418)高低位做過0.043元/0.037元，平均買入價為0.04元。
隨後指數同Slow STC(14.3)兩線的確一齊向下走，完半場前指數仲低走於中軸線以下，並走到50線水平。按半日收報19486點計，如果好理想地指數落返去小時圖底位約19400點的話，換言之仲有86點水位。
同步望多眼隻(60418)，半日收報證價為0.046元，對比平均買入價，即係有6格落袋先。再睇嘅係午市開始之後，指數係咪真係仲有得再向下走。
午後開市見指數未有向下再穿50線，兼且一口氣反方向上過10線，不過Slow STC(14.3)已經見觸底超賣回升，(60418)無位再落唯有走人。
同以10分鐘作為走貨時間的話，則於1點5分至1點15分走隻(60418)，按期內高低位做過0.048元/0.041元，平均走貨價為0.0445元，即呢一趟平均收4.5格或10.11%。
玩玩下喺個五分鐘圖畫咗個「楔形」出嚟，底線愈來愈上，即係空間愈來愈少，都係唔玩啦，做埋手上嘅工作之後今晚同老友阿Jo食飯好過。
作者阿珊，以技術分析專心玩輪證，唔貪心，努力賺取我家肥貓罐罐。
