11月11日 13:44
今朝揀咗隻恒指熊(59591)出嚟，目的都只係順勢向下再殺牛證街貨。知道揀嗰時5分鐘圖已經見Slow STC(14.3)兩線落到超賣位，所以如果再出只係硬追指數再向行。
以今朝出文時間為10點26分，如常的用10分鐘時間再睇返個走勢圖嘅話，則於10點36分再睇返個走勢圖。見當時恒指喺5分鐘圖上已經向下壓低過20200點，不過就正正喺呢個位見支持，5分鐘後指數同Slow STC(14.3)齊齊見觸底向上，講過再來淡倉係硬追，既然見技術分析走勢都已經唔就嘅話，硬出同送死無分別。
的確今日指數上落波幅仍然偏窄，大動作未見出動應該大家都似係等隻騰訊(00700)業績，所以喺作戰室都未有太多動作，有嘅都只係一班熟悉玩爬格仔嘅戰友見到啲線位之後，我句嘢都未打完佢已經知要做乜嗰隻。
好淡倉今日似乎都係比較難出，既然係咁就更加唔好硬去，抖一抖上網買下嘢好過。
作者阿珊，以技術分析專心玩輪證，唔貪心，努力賺取我家肥貓罐罐。
