11月6日 13:34
今朝揀咗隻恒指牛(58353)出嚟，諗住借小時圖嘅10線企好出動。本身都以為指數今日等點票而會見上落Swing吽住先，不過喺今朝10點25分打後見指數向下直落，作戰室亦都棄好轉淡，一直殺到落到20400點附近收手。
(58353)借唔到10線，用返一貫做法，即係借Slow STC(14.3)觸底出動可以嘅，位置大約喺上半場嘅10點40分至10點30分期間，見到Slow STC(14.3)兩線都落到20以下，還好(58353)高槓桿，都可以爬到下格仔。
不過，下半場如果想再偷觸底都唔係咁易，先係要換一換隻(58353)，皆因佢嘅收回價為20350，半場計指數低位做過20398點，直迫收回價，向下移低多少少會比較安全。
然而，睇返今日指數五分鐘圖見從來都未曾企得返條中軸樓上，暫mark指數借保歷加下降通道做Trade的話，咁隨時下半場再嚟多次見20400點樓下都唔出奇。
問題在於小時圖半場前最後一棍見下影線，再加上下半場有少少例悶嘅情況，保歷加通道口喺五分鐘圖上已見收窄，唔通今朝下行已經率先反映咗投票結果？
下半場開市後指數有再創日內新低，截至依家1點9分止，低位見20361點，不過正如前文所指，保歷加通道口有見收窄，限制住指數再向下嘅空間，作戰室都只係望緊個五分鐘圖嘅「圓頂」頸線過唔過，過到線嘅話再來淡倉下一步就要睇埋保歷加肯唔肯重新拓闊，否則又嚟Swing Trade格局。
不如Side bet特朗普贏定賀錦麗勝好似仲刺激。
作者阿珊，以技術分析專心玩輪證，唔貪心，努力賺取我家肥貓罐罐。
