10月31日 13:59
今朝揀咗隻恒指牛(56805)出嚟，計劃係借小時圖嘅Slow STC(14.3)出觸底，所以比注好倉出去。
以今朝Patreon出文時間為9點52分，如常的用10分鐘去睇文的話，即於10點2分再睇返個走勢圖，剛好小時圖有一粒新燭出現，同時見Slow STC(14.3)兩線保持觸底形態，(56805)可以落場。
一樣用返10分鐘時間作為買貨時間的話，按期內(56805)高低位做過0.067元/0.058元，平均買入價為0.0625元。
留意返，落場時喺五分鐘圖上剛好見到指數被150線擋路，隨後指數向下回落但還好有10線接返住。
同步換返個小時圖見當時指數高位有迫近中軸線，向下一縮上影線出返嚟，今日果然係「慢升節」。
再去到大約10點40分，指數借完10線再上之後，重新去返今朝高位水平=接近中軸前位置=五分鐘圖嘅150線前，但走勢再次copy & paste，線唔過指數再向下，去到10點55分連一直借住嘅10線都無埋，換小時圖亦見喺中軸前上影線長長的，(56805)亦都難留。
以10點55見指數失10線後掟走(56805)，一樣用返10分鐘作為走勢時間的話，期內高低位做過0.063元/0.055元，平均走佬價為0.059元。
臨到月尾以為今個星期咁勁可以全月正數，最後都係要比返啲個市，呢一注好在快走，平均買係輸3.5格或5.93%。如果唔係，下午場返嚟指數倒跌時，真係斬又唔係守又難。
一陣【月度報告】見。
作者阿珊，以技術分析專心玩輪證，唔貪心，努力賺取我家肥貓罐罐。
