10月15日 13:28
今朝見指數喺小時圖上低走於10/20線唔過，所以率先揀咗隻恒指熊(55429)：順便借埋五分鐘圖條保歷加下降通道，博指數以底線同中軸向下Swing落去。
以今朝Patreon出文時間為10點19分，如常的用10分鐘作為睇文時間的話，則於10點29分時再睇返個走勢圖，見當時指數於五分鐘圖上重新靠近10/20線，但以小時圖計，指數都仲未上破得返10/20線，(55429)小注出場。
一樣都係用返10分鐘作為買貨時間，期內(55429)高低位做過0.061元/0.053元，平均買入價為0.057元。
落場後這邊廂Keep住留意小時圖條10/20線有無過，同步喺今朝都已經喺小時圖拉定底線；那邊廂如同平時一樣留意住五分鐘圖嘅保歷下降通道有無困住指數再向下行落去。
去到大約11點30分，即落場後差唔多一個鐘，五分鐘圖上見指數一棍抽高過10線，但至上半場完場前見指數都仲擺喺20線樓下，即係指數仍然處於五分鐘圖嘅保歷加下降通道裏面，所以(55429)姑且Hold住食飯先。
依家1點6分，下半場開市之後見指數再次向上半場嘅低位出發，會唔會再見日內新低我唔知，我只知道嘅係，如果你都仲有淡倉在手，都係借緊保歷加下降通道而Hold住隻(55429)的話，咁就請你好好咬實條五分鐘圖嘅中軸線，因為開始見到整條保歷加通道有橫行嘅情況，即係指數未必會好似今朝咁，以一浪低於一浪的走勢向下Swing，而可能會變成借長方形式上落上落咁橫行去住嘅Swing。
Swing都有分幾種架！數夠格仔咪收工囉~
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
